Home » Mop Papua

Category Archives: Mop Papua

Advertisements

MOP – Cucu Patah Tete Pu Burung


Ada tete en da pu cucu. Satu kali ni, tete da mandi sama-sama dengan de pu cucu.

Pas mandi, cucu lihat tete pu burung. Jadi cucu tanya ke tete,

“Tete itu apa ka?”
Tete jawab, “O…itu tete pu burung…”

Pas mau tidur siang, cucu bilang sama de pu tete…

“Tete sa maen dengan tete pu burung ka?” Tete da tidak mau. Tapi karna cucu da menangis en cucu ni pling dapat sayang dari tete, akhirnya, tete da setuju. Jadi, cucu da maen tete pu burung. Karena keenakan tete TUMPAH. Tapi, tiba-tiba tete pingsang.

Jadi, dong bawa tete ke rumah sakit.

Sampe di RS, dokter tanya ke cucu, “Cucu, bikin apa tete ka?”

Cucu jawab, “Ai, sa tidak tau… sa main dengan tete pu burung tapi tete pu burung muntah jadi SA PATAH BURUNG PU LEHER…”

Advertisements

MOP – Kunang-Kunang Berapa Watt??


Anak satu ni de dapa mara dari de pu ibu guru di skolah. Ibu guru tanya dia baru de tra bisa jawab trus ibu guru bilang: “bodok!!”

Anak ini de tra terima jadi de pulang lapor de pu bapa. “Bapa, bah, masa ibu guru de bilang sa bodok”. De pu bapa marah trus de pu bapa bilang: “ah, iyo ka?

Anak, besok bapa ke skola cari ibu guru dia”.

Besok begini bapa de tiba di skola baru bapa ko cari ibu guru. Pas bapa ko ketemu ibu guru, bapa langsung tanya: Ibu, ibu yang kemarin yang bilang sa pu anak bodok ka?”.

Ibu guru ko gugup langsung.

Bapa de bilang” Ibu, kalo ko memang pintar, kas tau saya kunang-kunang berapa watt??”. Ha ha ha…

MOP – Liat Film di TV


Ada tete 1 nich dia duduk nonton TV. tete putar Chanel 1 film pocong, chanel 2 film drakula, chanel 3 film sunggi-sunggi…….

Tete bilang “Bah….semua film setan-setan….”tete pusing…. tete panggil de pu cucu suruh cek antena,….

Trus cucu cek, cucu bilang bah… tete antena menghadap ke kuburan. langsung tete tarik… boooo…… pantasan dapat film-film Neraka semua”

Cucu coba ko kasi menghadap ke arah Ujung Aspal pasti kita dapat film perang2????

MOP – Paitua deng Maitua Bakalai


Ada pace deng mace dong dua bakalai, trus pace de mo kas tinggal de pu maitua jadi pace de jalan keluar rumah.

Mace : “Bapa…. baru anak-anak”
Pace : “Ko ambil sudah”,
Mace bilang : “Bapa….. baru rumah, motor, barang-barang ni….”
Pace jawab : “Ko ambil sudah.”
Mace de cari akal, begini mace angkat Rok trus Mace bilang : “Bapa…. baru yang ini ni…..”
Langsung pace ko jawab : “Mama sa kedepan beli rokok dulu, nanti sa bale…..” 😂😅😃

MOP – Surat Buat Penina


Ada pace Wamena 1 de kirim surat buat de pu pacar namanya Penina yang tinggal di Sorong

Isi surat :

Penina tayangku…kaka tirimkan turat ini melalui lemba-lemba mbegini naik nggungung turun nggunung mbegini lewar kali mbegini keluar lautan mbetar.

Penina tayangku kaka tirimkan turat ini lewar petawat seringgana, seringgana itu hercules puna adik…penina tayang cekian dulu kaka mpuna turat….akir kata, laboraturium pemda dari kaka alo sitokmabin, kantor mbupati enarotali mbagian tapu-tapu… PENINA yang telalu kaaaa

MOP – Nenek Pi Gereja Bawa Alkitab Besar


Ada Tete satu, malam minggu mabuk sampai pagi. Jadi tidur di para-para, begini cucu deng nene dong dua su rapi mau pi gereja.

Nene, pegang alkitab besar zaman belanda disebelah kiri baru gandeng cucu. Pas lewat para-para cucu bilang, “Nene.. itu Tete yang tidur to?”

Cucu deng Nene rapat dekat, Tete asik tidur baru nene bisik di tete pu telinga, “Selamat Pagi Iblis!!”, Tete cuma lihat deng ekor mata saja, trus tete bilang sama Nene, “Iyo… Jalan sombong deng alkitab besar, abis tau baca jadi..”

MOP – Obat Untuk Tete


Tete Serui satu dia sakit opname di Rumah Sakit trus satu hari Tete panggil Suster de bilang sama Suster :

Tete : “Saya ini hanya bisa sembuh kalo saya lihat Bendera Bintang Kejora.”

Suster : “Ado Tete sa ada bendera tapi kecil skali.”

Tete : “Tidak apa yang penting sa bisa lihat dan sa sembuh.”

Suster dia angkat rok baru dia kas tunjuk Tato Bendera Bintang Kejora didepu panta dan tete ko bilang adooo suster tolong buka halaman sebelahnya biar tete lihat pace Theis pu kumis lagika?